मूल शहरात सध्या “शिवानी आगडे” हे नाव चर्चेच्या केंद्रस्थानी आहे!
मूल : सतीश आकुलवार (मुख्य संपादक)
आगामी मूल नगर परिषद निवडणुकीत भारतीय जनता पक्षाकडून इंजी. सौ. शिवानी संदीप आगडे यांच्या उमेदवारीची शहरात जोरदार चर्चा सुरू आहे. विरोधकांना मात देण्याची क्षमता असलेल्या एकमेव प्रबळ उमेदवार म्हणून त्यांच्याकडे पाहिले जात आहे.
सौ. शिवानी आगडे यांचा माहेर आणि सासर दोन्हीही मूल शहरातच असल्याने त्या लहानपणापासूनच नागरिकांना परिचित आहेत. त्या शहरातील लोकप्रिय समाजसेवक संदीप आगडे यांच्या धर्मपत्नी असून, दोघेही सामाजिक कार्यात नेहमी पुढाकार घेतात.
शहरात सर्वसामान्यांशी असलेले जिव्हाळ्याचे संबंध, शिक्षण आणि विनम्र स्वभाव यामुळे त्यांच्या नावाबाबत सकारात्मक चर्चा रंगली आहे. त्यांच्या दावेदारीची अधिकृत घोषणा झाल्यास, त्या निश्चितच विरोधकांना पराभूत करून विजयी ठरतील, असा विश्वास नागरिक व्यक्त करीत आहेत.
मुख्य संपादक; सतीश आकुलवार
