मूल : सतीश आकुलवार (मुख्य संपादक)
आगामी मूल नगर परिषद निवडणुकीच्या पार्श्वभूमीवर भाजपात उमेदवारीसाठी इच्छुक कार्यकर्त्यांची गर्दी वाढली आहे. विशेषतः प्रभाग क्र. 1 मध्ये पक्षातील अनेक इच्छुकांनी आपले अर्ज दाखल करण्याची तयारी सुरू केली आहे.
त्याच प्रभागातील रहिवासी आणि भारतीय जनता पक्षाचे निष्ठावंत कार्यकर्ते श्री. सोमनाथ झरकर यांनी आपली दावेदारी ठोस असल्याचा दावा केला आहे. “पक्षाने आजवर दिलेली प्रत्येक जबाबदारी मी प्रामाणिकपणे पार पाडली आहे. त्यामुळे पक्ष माझ्यावर विश्वास दाखवेल, आणि मला उमेदवारी दिल्यास माझा विजय निश्चित आहे,” असे मत श्री. झरकर यांनी व्यक्त केले.
स्थानिक नागरिकांमध्येही झरकर यांच्या कार्यशैलीबद्दल समाधान व्यक्त होत असून, ते जनतेशी सातत्याने संपर्क ठेवत सामाजिक कार्यात पुढाकार घेत असल्याचे सांगितले जाते. त्यामुळे प्रभागात त्यांच्या उमेदवारीला चांगला प्रतिसाद मिळत असल्याचे दिसून येत आहे.
मुख्य संपादक; सतीश आकुलवार
