मूल : (रविंद्र बरडे, तालुका प्रतिनिधी)
राष्ट्रपिता क्रांतीसूर्य महात्मा ज्योतिबा फुले आणि महामानव डॉ. बाबासाहेब आंबेडकर यांच्या संयुक्त जयंतीनिमित्त कन्नमवार वॉर्ड परिसरात विविध सामाजिक उपक्रमांचे आयोजन करण्यात आले. यावेळी नागरिकांना पक्ष्यांसाठी घागर वाटप करून पर्यावरण संवर्धनाचा संदेश देण्यात आला.
कार्यक्रमाची सुरुवात ज्येष्ठ नागरिक व सेवानिवृत्त मुख्याध्यापक वसंतराव जिरकुंटवार यांच्या हस्ते महात्मा फुले आणि डॉ. आंबेडकर यांच्या प्रतिमेला पुष्पहार अर्पण करून करण्यात आली. यावेळी जिरकुंटवार यांनी नेफडो टीमच्या कार्याचे कौतुक करत दोन्ही महान व्यक्तिमत्त्वांच्या जीवनकार्यावर प्रकाश टाकला.
तेजस्विनी नागोसे यांनी संस्थेच्या कार्याची सविस्तर माहिती उपस्थितांना दिली. कार्यक्रमादरम्यान वॉर्डातील नागरिकांना पक्षी घागर वाटप करण्यात आले, तसेच उपजिल्हा रुग्णालय, मुल येथील रुग्णांना फळांचेही वितरण करण्यात आले. कर्तव्यावर असलेल्या वैद्यकीय अधीक्षक डॉ. देवतळे यांचा जास्वंदीचे रोप देऊन सत्कार करण्यात आला.
या प्रसंगी तेजस्विनी नागोसे (महाराष्ट्र राज्य उपाध्यक्षा), रत्ना चौधरी (राज्य सहसचिव), श्रीरंग नागोसे (नागपूर विभाग उपाध्यक्ष), गुरुदास चौधरी (विभाग सहसचिव), मिरा शेंडे (मुल तालुका अध्यक्षा), यशवंत देवगडे, किसन खोब्रागडे (तालुका संघटक), नंदा शेंडे (संघटीका), पूजा मोहुर्ले, कल्पना मेश्राम, सुनिता खोब्रागडे, शालू गुरनुले, भावना वरघंटे, अर्चना बल्लावार, डॉ. देवतळे, वसंत जिरकुंटवार, लता जिरकुंटवार, विभा गुंडोजवार, राणी वनकवार, कल्याणी काटपल्लीवार, कल्पना डोंगरवार, नाशिका कुळमेथे, अनिता बल्लावार, राहुल जिरकुंटवार आदी उपस्थित होते.
मुख्य संपादक; सतीश आकुलवार
