मुल शहराच्या सुरक्षिततेसाठी तात्काळ कारवाई होणे आवश्यक आहे.
मुल : सतीश आकुलवार (मुख्य संपादक)
शहरातील मध्यवर्ती गांधी चौक परिसरात असलेले जुने ग्रामीण रुग्णालय सध्या नशेखोरीचे केंद्र बनल्याची गंभीर माहिती समोर आली आहे. स्थानिक नागरिकांच्या मते, या ठिकाणी युवक मोठ्या प्रमाणावर गांजा, दारूचे सेवन करताना आढळत आहेत. काही प्रत्यक्षदर्शींनी तर असेही सांगितले की, येथे विद्यार्थी, युवक-युवतींची वर्दळही वाढली असून हा परिसर असुरक्षित होत चालला आहे.
या वाढत्या नशेखोरीमुळे मुल शहरातील युवा पिढी चुकीच्या मार्गावर जात असल्याची भीती व्यक्त केली जात आहे. विशेष म्हणजे, शहरात अलीकडेच वाढलेली हिंसात्मक घटना व हत्यांचे प्रकार याच नशेखोरीशी संबंधित तर नाहीत ना, अशी चिंता नागरिकांमध्ये व्यक्त होत आहे.
या गंभीर प्रकाराकडे पोलिस प्रशासनाने तातडीने लक्ष देऊन कडक कारवाई करण्याची गरज आहे, अशी मागणी नागरिकांकडून जोर धरू लागली आहे.
मुख्य संपादक; सतीश आकुलवार
