मूल : सतीश आकुलवार (मुख्य संपादक)
लोकशाहीत निवडणूक जिंकणे वेगळी बाब आहे आणि लोकप्रतिनिधी म्हणून स्वीकारार्ह असणे ही वेगळी कसोटी आहे. ज्याच्या चारित्र्यावर गंभीर प्रश्न उपस्थित होतात—
ज्याचा वेश्याव्यवसायाशी संबंध असल्याचे आरोप आहेत,
ज्याचे अनेक स्त्रियांशी अनैतिक संबंध असल्याचे खुलेपणाने चर्चेत आहे.
अशा व्यक्तीला “स्वीकृत नगरसेवक” म्हणून समाज स्वीकारेल काय, हा प्रश्न अत्यंत गंभीर आहे?
नगरसेवक हा केवळ प्रशासकीय पदधारक नसतो. तो समाजाचा नैतिक प्रतिनिधी असतो. महिलांशी संबंधित प्रश्न, कुटुंबव्यवस्था, सामाजिक मूल्ये आणि युवकांसमोरचा आदर्श, या सर्वांवर त्याच्या वागणुकीचा परिणाम होत असतो. कायदा कदाचित अशा व्यक्तीस उमेदवारी किंवा पद रोखत नसेल, पण समाजाची नैतिक मंजुरी हा लोकशाहीचा अनलिखित नियम आहे.
लोकप्रतिनिधी हा फक्त मतांनी नाही, तर विश्वासानेही निवडला जातो.
राजकीय पक्षांची जबाबदारी येथे अधिक वाढते.
जिंकण्याची गणिते महत्त्वाची असतात, पण
चारित्र्यहीनतेवर डोळेझाक करून दिलेली संधी ही उद्याच्या पिढीसाठी घातक ठरू शकते.
आज जर अशा व्यक्तीला “स्वीकृत” केले, तर उद्या राजकारण आणि समाज यातील सीमारेषाच पुसली जाईल.
मुख्य संपादक; सतीश आकुलवार
