वर्धा : सतीश आकुलवार (मुख्य संपादक)
वर्धा जिल्ह्यात स्थानिक गुन्हे शाखेच्या पथकाने मोठी कारवाई करत कत्तलीसाठी तस्करी होत असलेली २० जनावरे वाचवली. ही कारवाई समृद्धी महामार्गावर केळझर येथे करण्यात आली.
रामनगर पोलिस ठाण्याच्या हद्दीत गस्तीवर असताना एम.एच. १६ सी.सी. ०२९० या आयशर ट्रकमधून जनावरे नेत असल्याची माहिती पोलिसांना मिळाली. स्थानिक गुन्हे शाखेचे पोलिस निरीक्षक विनोद चौधरी यांनी पोलिस अधीक्षक अनुराग जैन यांना माहिती दिल्यानंतर तात्काळ नाकेबंदी करण्यात आली.
वाहन तपासणी दरम्यान ४ म्हशी आणि १६ हेले आढळले. ट्रकमधील आरोपींमध्ये शेख मुस्ताफ शेख शौकत (रा. धुळे), शेख रशिद (रा. नगर, मालेगाव), लिनर अल्ताफ अहमद मुस्ताफ अहमद कुरेशी (रा. गांधीनगर कामठी) यांना ताब्यात घेण्यात आले असून वकील अहमद (रा. नागपूर) पसार आहे.
या कारवाईत १७ लाख २० हजारांचा मुद्देमाल जप्त करण्यात आला. सुटका केलेली जनावरे चारापाणी व वैद्यकीय तपासणीसाठी सर्वोदय गोशाळा, पडेगाव येथे हलविण्यात आली.
ही कारवाई पोलिस अधीक्षक अनुराग जैन, अपर पोलिस अधीक्षक सदाशीव वाघमारे यांच्या मार्गदर्शनात निरीक्षक विनोद चौधरी यांच्या नेतृत्वाखाली उपनिरीक्षक उमाकांत राठोड, सलाम कुरेशी, नरेंद्र पाराशर, सागर भोसले, मिथून जिचकार, दीपक साठे, अखिल इंगळे आदींनी केली.
मुख्य संपादक; सतीश आकुलवार
