सावनेर : मंगेश उराडे (ब्युरो चीफ)
सावनेर तहसीलमध्ये नुकतीच उपविभागीय अधिकारी म्हणून नियुक्ती झालेल्या कल्याणकुमार दहाट यांचे विविध मान्यवरांच्या उपस्थितीत शाल, श्रीफळ व सन्मानचिन्ह देऊन स्वागत करण्यात आले.
या कार्यक्रमाला महाराष्ट्र रत्न व गौरव पुरस्काराने सन्मानित ज्येष्ठ पत्रकार युवराज मेश्राम, जनकल्याण सामाजिक संस्था महाराष्ट्रचे अध्यक्ष भगवान चांदेकर तसेच इतर मान्यवर उपस्थित होते. उपस्थितांनी दहाट यांचे अभिनंदन करत त्यांच्या भावी प्रशासकीय कारकिर्दीस शुभेच्छा दिल्या.
यावेळी सावनेर व कलमेश्वर परिसरातील काही ठिकाणी होत असल्याची तक्रार असलेल्या भ्रष्टाचाराच्या प्रकारांवर तातडीने नियंत्रण आणण्याची मागणी करण्यात आली. तसेच तहसील कार्यालयातील कामकाज अधिक पारदर्शक व गतिमान करून शेतकरी, शेतमजूर आणि सर्वसामान्य नागरिकांची प्रलंबित कामे वेळेत पूर्ण व्हावीत, अशी अपेक्षाही व्यक्त करण्यात आली.
नवनियुक्त उपविभागीय अधिकारी कल्याणकुमार दहाट यांच्या नेतृत्वाखाली प्रशासन अधिक लोकाभिमुख, कार्यक्षम व जनतेच्या समस्यांबाबत संवेदनशील राहील, असा विश्वास उपस्थित मान्यवरांनी व्यक्त केला.
मुख्य संपादक; सतीश आकुलवार
