दोन फूट तीन इंच उंची; आंतरराष्ट्रीय विक्रमाची नोंद, प्रमाणपत्र बहाल
चंद्रपूर : सतीश आकुलवार (मुख्य संपादक)
चंद्रपूर जिल्ह्याचा अभिमान वाढवणारी एक अनोखी घटना घडली आहे. ब्रम्हपुरी तालुक्यातील परसोडी येथील रहिवासी राजेश्वरी गुणेदार ही केवळ दोन फूट तीन इंच एवढी उंच आहे. तिची नोंद आता International Book of Records मध्ये झाली असून, जगात जिवंत असलेल्या व्यक्तींमध्ये ती दुसऱ्या क्रमांकाची ठेंगणी मुलगी ठरली आहे.
काही युवकांना राजेश्वरी रस्त्याच्या कडेला चालताना दिसली. तिची उंची पाहून त्यांना कुतूहल वाटले. त्यांनी तिची विचारपूस करून माहिती घेतली आणि तिची उंची मोजली. त्यातून हे आश्चर्यकारक वास्तव उघड झाले.
त्यानंतर या युवकांनी तिच्या अनोख्या उंचीची नोंद व्हावी म्हणून International Book of Records कडे कागदोपत्री पाठपुरावा केला. अखेर त्यांच्या प्रयत्नांना यश मिळाले आणि राजेश्वरी गुणेदारच्या नावाची विक्रमात नोंद झाली.
अद्याप तिची उंची जगात दुसऱ्या क्रमांकाची असली, तरी तिला मिळालेलं हे प्रमाणपत्र तिच्या आयुष्यातील मोठा टप्पा ठरला आहे. जिल्हाधिकाऱ्यांच्या हस्ते तिला हे प्रमाणपत्र बहाल करण्यात आले.
मुख्य संपादक; सतीश आकुलवार
