मूल : सतीश आकुलवार (मुख्य संपादक)
मूल तालुक्यातील फिरकुटी–विरई येथे हिरव्यागार निसर्गाच्या सान्निध्यात उभारण्यात आलेल्या ‘समर्थ अॅग्री टुरिझम’ या अनोख्या पिकनिक स्पॉटचे भव्य उद्घाटन रविवार, दि. १५ फेब्रुवारी २०२६ रोजी करण्यात येणार आहे. कुटुंबिय व मित्रपरिवारासोबत आनंददायी वेळ घालवण्यासाठी येथे विविध मनोरंजन व साहसी उपक्रमांची सुविधा उपलब्ध करून देण्यात आली आहे.
आयोजकांनी दिलेल्या माहितीनुसार, येथे वॉटर पार्कमध्ये स्विमिंग पूल, रेन डान्स व वॉटर स्लाईड्स, तर अॅडव्हेंचर पार्कमध्ये झिप लाईन, सायकलिंग, स्काय रोलर, केंट रोलर, स्किडर, ह्युमन गायरो, ३६० सायकल, बंजी जंपिंग व रोप कोर्स यांसारखे रोमांचकारी खेळ पर्यटकांसाठी उपलब्ध असणार आहेत.
तसेच लुडो, चेस, कॅरम, आर्चरी, पूल टेबल, बॉडी झोर्बिंग बॉल यांसारखे इनडोअर गेम्स, किड्स प्ले एरिया, बैलगाडीने फळबागांची सफर आणि महाराष्ट्रीयन चुलीवरील जेवण ही विशेष आकर्षणे असणार आहेत. कुटुंबियांसाठी सेलिब्रेशन हॉल तसेच फॅमिली व जनरल रूममध्ये राहण्याची उत्तम व्यवस्था उपलब्ध करून देण्यात आली आहे.
प्रवेश शुल्काबाबत आयोजकांनी सांगितले की, ३ ते ९ वर्षांपर्यंत ५०० रुपये, ९ वर्षांवरील व्यक्तींकरिता ८५० रुपये आणि ६० वर्षांवरील व्यक्तींकरिता ६०० रुपये असे शुल्क ठेवण्यात आले आहे. १० पेक्षा अधिक सदस्यांच्या गटाला बुकिंगमध्ये १० टक्के सवलत दिली जाणार आहे.
निसर्गरम्य वातावरणात कुटुंबासोबत आनंददायी सुट्टी घालवण्यासाठी हा प्रकल्प पर्यटकांसाठी आकर्षण ठरणार असल्याचे आयोजकांनी सांगितले आहे. इच्छुकांनी बुकिंगसाठी आयोजकांशी संपर्क साधण्याचे आवाहन करण्यात आले आहे.
मुख्य संपादक; सतीश आकुलवार
