मुल : सतीश आकुलवार (मुख्य संपादक)
मूल पंचायत समिती येथे कार्यरत प्राथमिक शिक्षकांचे नक्षलग्रस्त प्रोत्साहन भत्ता याची थकबाकी नुकतीच प्राप्त झालेली होती .त्याचे वितरण पाच दिवसात करावे असे जिल्हास्तरावरून सूचना असताना शिक्षण विभागाने तात्काळ बिल सादर करून लेखा विभागात पाठवले परंतु लेखा विभागात बिल गेले असता त्यांनी वेगळ्या कामाची बतावणी करून त्या बिलाचे धनादेश बनवण्याला दिरंगाई केलेली आहे. याकरिता त्याचा पाठपुरावा करण्याकरिता संघटनेच्या प्रतिनिधींनी ३०/०५/२०२५ ला प्रत्यक्ष भेट दिली असता सकाळी दहा वाजेपासून दुपारी दोन वाजेपर्यंत कोणतेही काम न करता केवळ बतावणी करून टाळाटाळ करीत होते, याचा प्रत्यक्ष प्रत्यय आला. त्यामुळे उद्या होणारे देयक पाच दिवसावर लांबणीवर जाणार आहेत .केवळ याच प्रकरणात नाही तर शिक्षण विभागातील कोणतेही बिल काढण्याकरिता लेखा विभाग नेहमी आपले मनमानी धोरण अवलंबून शिक्षकांना मनस्ताप देत असते. अशा या मूल पंचायत समितीतील लेखा विभागात कार्यरत कर्मचाऱ्यांवर कार्यवाही करून प्रशासनाने योग्य ती कार्यवाही करावी .अशी मागणी महाराष्ट्र पुरोगामी प्राथमिक शिक्षक संघटना जिल्हा शाखा चंद्रपूर यांच्यावतीने करण्यात आलेली आहे अशी माहिती जिल्हा प्रसिद्धीप्रमुख लक्ष्मण खोब्रागडे यांनी दिलेली आहे .
मुख्य संपादक; सतीश आकुलवार
