गडचिरोली : सतीश आकुलवार (मुख्य संपादक)
गडचिरोली येथील उत्साही युवा कार्यकर्ते रुपेश सलामे यांनी आपला वाढदिवस सामाजिक पद्धतीने साजरा करत जिल्हा सामान्य रुग्णालय, गडचिरोली येथे रक्तदान केले.
“रक्तदान हेच सर्वश्रेष्ठ दान” या घोषवाक्याचा प्रत्यय देत त्यांनी समाजासाठी योगदान देण्याचा आदर्श ठेवला. या वेळी त्यांचे मित्रपरिवारही उपस्थित होता.
“आयुष्यात समाजाचं काहीतरी देणं लागतं, या विचाराने मी रक्तदान करुन माझा वाढदिवस साजरा केला,” असे रुपेश सलामे यांनी सांगितले. त्यांनी सर्वांनी स्वेच्छेने रक्तदान करून समाजाप्रती आपले कर्तव्य बजवावे, असे आवाहनही केले.
रुग्णालयातील कर्मचाऱ्यांनी आणि उपस्थित मित्रपरिवाराने त्यांच्या या सामाजिक कार्याचे कौतुक केले. वाढदिवसानिमित्त समाजहितार्थ घेतलेली ही भूमिका कौतुकास्पद ठरली असून सर्व स्तरांतून अभिनंदन व्यक्त केले जात आहे.
मुख्य संपादक; सतीश आकुलवार
